Tre të lënduar në një aksident në rrugën Mitrovicë – Prishtinë

Tre persona janë lënduar si pasojë e një aksident trafiku që ka ndodhur të martën në mëngjes në rrugën nacionale Mitrovicë-Prishtinë, më saktësisht në fshatin Milloshevë.

Zëdhënësja e Policisë për rajonin e Prishtinës, Flora Ahmeti për portalin rtv21.tv tha se në këtë aksident janë përfshirë katër automjete.

“Sot rreth orës 08:00 në rrugën nacionale Mitrovicë – Prishtinë saktësisht në fshatin Milloshevë ka ndodhur nje aksident trafiku ku janë përfshirë 4 automjete. Si pasjoë e aksidentit janë lënduar tre persona dhe janë shkaktuar dëme materiale”, tha Ahmeti.

Ajo tutje tha se njesiti i trafikut rajonal është duke marr me rastin./21Media