Tre persona kanë mbetur të vdekur si pasojë e një aksidenti trafiku në rrugën Gjilan-Prishtinë.
Raportohet se si pasojë e aksidentit vetura ka rënë në Liqenin e Badocit.
Zëdhënësja e Policisë për rajonin e Prishtinës, Flora Ahmeti, ka thënë për portalin rtv21.tv se rasti ka ndodhur në orët e vona të së shtunës.
Në këtë aksident trafiku i përfshirë ka qenë një automjet në lëvizje.
“Mbrëmë rreth orës 23:00 kemi pranuar informatën se në rrugën Gjilan -Prishtinë, ka ndodhur një aksident trafiku me pasoja fatale. Në këtë aksident, ka qenë i përfshirë, një automjet në lëvizje. Si pasojë e aksidentit kanë mbetur të vdekur tre persona. Vdekjen e viktimave e ka konstatuar ekipi mjekësor në vendngjarje”, ka thënë ajo.
Policia ka nisur hetim për ndriçimin e rrethanave që kanë çuar deri te ky aksident./21Media
