Tre persona u vranë dhe shtatë të tjerë u plagosën në bombardimet ruse të provincës jugore të Ukrainës Kherson gjatë 24 orëve të fundit, tha të premten guvernatori rajonal.
Guvernatori, Yaroslav Yanushevych deklaroi përmes “Telegramit” se ushtria ruse sulmoi Khersonin dhe seksione të tjera të provincës 42 herë gjatë së njëjtës periudhë.
Pas disa muajsh kontrolli rus, forcat ukrainase çliruan Khersonin në mes të nëntorit, por trupat ruse që u tërhoqën në anën tjetër të lumit Dnipro kanë qëlluar mbi qytetin që atëherë.
Qyteti ka përjetuar gjithashtu ndërprerje të energjisë elektrike. Yanushevych pretendoi të enjten se energjia elektrike kishte humbur edhe një herë pas restaurimit të fundit./21Media
