Treni i linjës Prishtinë-Pejë sot rreth orës 10:00 ka goditur një veturë në hyrje të Pejës.
Lajmin e ka konfirmuar për portalin rtv21.tv zëdhënësi i Policisë së Kosovës për rajonin e Pejës, Fadil Gashi.
Sipas tij, nuk ka persona të lënduar dhe njësitë e Policisë janë në vendngjarje.
“Rreth orës 10:00 është mësuar se në hyrje të Pejës treni e ka goditur një veturë. Të lënduar nuk ka, njësitë kompetente kanë dal në vendngjarje”, ka thënë Gashi.
