Një aksident trafiku ka ndodhur sot mes një veture dhe një treni në fshatin Shtrubullovë të Drenasit, ku një person ka pësuar lëndime trupre.
Lajmin për portalin rtv21.tv e ka konfirmuar zëdhënësja e policisë për rajonin e Prishtinës, Flora Ahmeti.
Lidhur me rastin Ahmeti tha se aksidenti ka ndodhur rreth orës 09:00.
“Sot rreth orës 09:00 në fshatin Shtrubullovë të Drenasit , ka ndodhur një aksident trafiku mes një veture dhe një treni. Si pasojë e aksidentit, lëndime trupore ka pësuar një person. Në vendin e ngjarjes kanë dalë njësia e hetimeve të trafikut rrugor dhe përgjegjësit për aksidente hekurudhore, të cilët kanë kryer ekzaminimet dhe shikimin e vendit të ngjarjes”, tha Ahmeti. /21Media
