(Lajm i përditësuar)
Turqia kualifikohet në çerekfinale
Turqia është çerekfinalistja e tetë dhe e fundit e Euro 2024. Turqia mposhti për 1:2 Austrinë në 1/8 e finales.
Merih Demiral ishte heroi i Turqisë, që shënoi të dy golat. Golin e vetëm për Austrinë e shënoi Gregoritsch.
Deri në fund, Austria tentoi të shënonte golin e barazimit, por nuk ia doli dot.
Austria e ngushton epërsinë e Turqisë
Austria është kthyer në lojë në ndeshjen ndaj Turqisë.
Rezultatin në 2:1 e ka ngushtuar Michael Gregoritsch në minutën e 66-të.
Turqia shënoi edhe golin e dytë
Turqia ka shënuar edhe golin e dytë në ndeshjen kundër Austrisë.
Merih Demiral po udhëheq Turqinë drejt çerekfinales.
Ai shënoi për 2:0 në minutën e 59-të.
Euro 2024: Përfundon pjesa e parë mes Austrisë dhe Turqisë
Ka përfunduar pjesa e parë në ndeshjen e fundit të raundit të 16-të të Kampionatit Evropian Euro 2024 mes Austrisë dhe Turqisë.
Pas më shumë se 45 minutave lojë të zhvilluara në stadiumin “Red Bull Arena” të Leipzigut, Turqia po avancon 1:0 ndaj Austrisë.
Golin e vetëm deri tani e shënoi mbrojtësi Merih Demiral në minutën e 1’ të ndeshjes.
Pjesa e parë, 1:0 në favor të Turqisë.
Gol qysh në minutën e 1’, Turqia në epërsi ndaj Austrisë
Është shënuar goli i parë në stadiumin “Red Bull Arena” të Leipzigut, ku po luhet ndeshja e Euro 2024 mes Austrisë dhe Turqisë.
Turqia ka arritur të kalojë në epërsi prej 1:0 në ndeshjen kundër Austrisë, falë golit të shënuar nga Merih Demiral.
Demiral shënon qysh në minutën e 1’ për 1:0.
Golin e gjeni më poshtë.
Austria e Turqia luftojnë për biletën e fundit të çerekfinales së Euro 2024, ja formacionet zyrtare
Sonte me fillim nga ora 21:00 do të zhvillohet ndeshja e fundit e raundit të 16-të të Kampionatit Evropian Euro 2024 mes Austrisë dhe Turqisë.
Takimi i fundit mes Austrisë dhe Turqisë daton në muajin mars të këtij viti, ku asokohe austriakët shkatërruan Turqinë 6:1.
Sa i përket ndeshjes së sotme, te Austria mungojnë Gernot Trauner dhe Patrick Wimmer, kurse te Turqia nuk do të paraqiten Samet Akaydin dhe Hakan Calhanoglu.
