Ka pasur një seri shpërthimesh gjatë dy ditëve të fundit në Transnistria, pjesë e territorit të kontrolluar nga Rusia në Moldavi në kufi me Ukrainën.
Ministria e Jashtme e Ukrainës ka premtuar mbështetjen e saj për integritetin territorial të Moldavisë dhe ka akuzuar Rusinë se po përpiqet të krijojë trazira dhe të destabilizojë zonën.
Mykhaylo Podolyak, një ndihmës presidencial i Ukrainës, ka thënë se “Ukraina do të sigurojë patjetër sigurinë strategjike të rajonit. Por ne duhet të punojmë si një ekip”.
Ushtria ruse ka luftuar së bashku me separatistët në Transnistria që nga fillimi i viteve të 90-ta./21Media
