Varhelyi: Parlamenti Evropian mbështeti lëvizjen pa viza të serbëve me pasaporta serbe
Komisionari për Zgjerim dhe Fqinjësi i Bashkimit Evropian, Oliver Varhelyi, ka deklaruar se propozimi për liberalizimin e vizave për serbët e Kosovës me pasaporta serbe është mbështetur nga Parlamenti Evropian, si dhe nga Komiteti për Liritë Civile, Drejtësinë dhe Çështjet e Brendshme në Parlamentin Evropian.
Ai e ka cilësuar këtë si lajm të mirë për serbët e Kosovës.
Sipas tij ky është hap i madh që i gjithë Ballkani Perëndimor të udhëtojë pa viza.
“Lajm i mirë për serbët e Kosovës! Propozimi ynë për të lejuar udhëtimin pa viza për mbajtësit e pasaportave serbe të Kosovës u mbështet nga Parlamenti Europarl, komiteti LIBE. Është një hap i madh drejt arritjes së regjimit pa viza për të gjithë çBallkanin Perëndimor kur udhëtoni në BE”,ka shkruar ai në “X”. /21Media
