Luftime të ashpra po vazhdojnë në qytetin lindor të Ukrainës, Severodonetsk, të cilin forcat ruse janë përpjekur ta kapin prej javësh.
Tani, zyrtarët thonë se forcat ukrainase po e kanë të vështirë të parandalojnë sulmet ruse në qendër të Severodonetsk, por Rusia ende nuk e ka marrë kontrollin e qytetit, sipas guvernatorit rajonal të Luhansk, Serhiy Haidai, raporton BBC
Më parë, kryetari i bashkisë së qytetit, Oleksandr Stryuk paralajmëroi se Rusia po synonte të pushtonte qytetin me më shumë trupa dhe tha se forcat e armatosura të Severdonetsk kanë forcuar pozicionet e tyre dhe po mbajnë linjën, përcjell rtv21.tv
Trupat ruse po bombardonin vazhdimisht qytetin Lysychansk dhe forcat e Moskës po synonin qëllimisht zonat ku fshiheshin civilët, tha Haidai në Telegram.
Ai përsëriti një thirrje për dërgimin e artilerisë me rreze të gjatë në Ukrainë për të mundësuar trupat e saj të zmbrapsin rusët në rajon./21Media
