Sot organizohet aksioni i radhës “Ta Pastrojmë Kosovën”
Organizata mjedisore “Let’s Do It Kosova” në bashkëpunim me KEK-un dhe me ndihmën e deputetit të Kuvendit të Kosovës, Kujtim Paçaku, sot do të realizojë aksionin e radhës në kuadër të Fushatës “Ta Pastrojmë Kosovën 2017”.
Numër i madh i vullnetarëve të “Let’s Do It Kosova”, do të angazhohen për pastrimin e deponive ilegale në fshatin Plemetin, të Komunës së Obiliqit, në vazhdën e projekteve për ndihmë Komuniteteve.
Përveç pastrimit të deponive të mbeturinave, Kryqi i Kuq i Prishtinës do të bëjë shpërndarjen e ndihmave, ndërsa Drejtoria Komunale e Shëndetësisë dhe njësia mobile nga QKUK do të bëjë vaksinimin e banorëve.
Po ashtu, në kuadër të aksioneve të nesërme, Ministria e Shëndetësisë do të bëjë edhe dezinfektimin e zonës së kampit.
