Dizajneri francez i modës Thierry Mugler ka vdekur në moshën 73-vjeçare. Njoftimi për vdekjen e tij është bërë i ditur në Facebook, nga familjarë të të ndjerit.
Ai ka qenë i njohur për dizajnet e veçanta e për rrobaqepësi, të frymëzuara në vitet 1940-1950.
Mugler ka bashkëpunuar me yje si David Bowie dhe Lady Gaga.
Ai ka dizajnuar shumë kostume skenike për Beyoncé dhe në vitin 2019 ka projektuar fustanin e famshëm të Kim Kardashian për Met Gala. Në vitet e mëvonshme, marka e tij ishte bërë e famshme për parfumet, si Angel dhe Alien. /21Media
