Personi që u aksidentua më 5 janar në Prizren ka humbur jetën të hënën (6 janar), ka njoftuar Policia e Kosovës.
Aksidenti kishte ndodhur në rrugën “Ekrem Rexha”.
Autoritetet policore njoftuan se trupi i pajetë është dërguar në Institutin e Mjekësisë Ligjore për obduksion.
“Më 06.01.2025 është raportuar se viktima mashkull kosovar i cili ishte i lënduar në aksident ka ndërruar jetë. Me vendim të prokurorit trupi i pajetë është dërguar në IML për Obduksion”, thuhet në raportin 24-orësh të PK-së.
