Ka vdekur këngëtari, reperi dhe aktori amerikan, Aaron Carter, njoftuan njëzëri mediat amerikane. Trupi i pajetë 34-vjeçarit është gjetur të shtunën në shtëpinë e tij, në Kaliforni.
Trupi i Carter është gjetur në vaskën e tij. Sipas revistës “TMZ”, një telefonatë emergjente është marrë në orën 11:00 të së shtunës se një burrë ishte mbytur në vaskë.
Carter ishte bërë i famshëm si këngëtar pop në fund të viteve 1990, duke lëshuar katër albume. Ai kishte regjistroi albumin e tij të parë kur kishte qenë nëntë vjeç. Ai gjithashtu kishte bërë turne me Backstreet Boys gjatë kulmit të tyre. Vëllai i tij më i madh, Nick është pjesë e grupit shumë të njohur të djemve.
