Vdekja i erdhi në gjumë
Njeriu më i vjetër në botë ka vdekur në moshën 113-vjeçare, në shtëpinë e tij në Japoni.
Familja e tij tha se Masazo Nonaka vdiq në mënyrë paqësore nga shkaqe natyrore në orët e hershme të së dielës.
I lindur më 25 korrik 1905, Nonaka u rrit në një familje të madhe. Ai kishte jetuar me gruan e tij dhe tre nga pesë fëmijët,transmeton rtv21.tv.
Ai kishte gjashtë vëllezër dhe një motër, ishte martuar në vitin 1931 dhe kishte pesë fëmijë me gruan e tij. Pas kalimit në pension, atij i pëlqente shikimi i ndeshjeve të mundjes dhe ngrënia e ëmbëlsirave.
Japonia është njëra ndër shtetet me jetëgjatësinë më të madhe të popullsisë në botë. Ky vend ka qenë atdhe i shumë njerëzve të njohur për moshën e tyre të vjetër.
Sipas libirit të rekordeve, “Guinness”, njeriu më i vjetër që ka jetuar ndonjëherë është francezja Jeanne Louise Calment, e cila kishte ndërruar jetë në vitin 1997 në moshën 122-vjeçare./21Media
