Vendoset finalja e Kupës së Botës mes klubeve, Chelsea përballë Palmeiras

Kampioni evropian Chelsea ka arritur të sigurojë finalen e Kupës së Botës me klube, ku e ka mposhtur sot skuadrën e Al-Hilal.
Përgjatë 90’ minutave lojë të zhvilluara, vetëm një gol u shënua në këtë përballje, ku sulmuesi Romelu Lukaku ishte heroi i Chelseat.
Sulmuesi belg arriti t’ia sigurojë finalen klubit të tij me golin e vetëm të ndeshjes në minutën e 32’.
Me këtë fitore, Chelsea tani vazhdon në finale të Kupës së Botës për klube, ku atje do të përballet me skuadrën braziliane Palmeira.
Rezultati final i ndeshjes është 1:0 në favor të Chelsea.