Filmi kosovar ”Vera Andrron Detin”, me regji nga Kaltrina Krasniqi ka fituar çmimin kryesor në Festivalin Ndërkombëtar të Filmit në Tokio.
Lajmi është bërë i ditur përmes një postimi në ”Facebook”, nga faqja kryesore e filmit.
”Jemi të emocionuar të njoftojmë se ”Vera Andrron Detin” është vlerësuar me çmimin GrandPrix, në Festivalin Ndërkombëtar të Filmit në Tokio 2021. Falenderojmë jurinë për këtë mirënjohje! Faleminderit Tokio, faleminderit Japoni”, është bërë e ditur në njoftim.
Filmi trajton temën e një gruaje që zbulon se mund të humbasë shtëpinë e saj pasi burri i saj vdes nga vetëvrasja.
Ky çmim i madh i Tokios, Çmimi i Guvernatorit të Tokios vjen me një çmim në para prej 30,000 dollarësh./21Media
