Veseli: Shpresojmë që dita e sotme do t’i hap rrugë krijimit të institucioneve

Veseli flet pas konstituimit të Kuvendit

Kryetari i Partisë Demokratike të Kosovës, Kadri Veseli, ka mbajtur një konferencë për media pas konstituimit të Kuvendit të Kosovës.

Veseli i cili për dy mandate ka qenë Kryetar i Kuvendit tha se është shumë falënderues prej qytetarëve dhe prej deputetëve në dy legjislaturat e kaluara.

“Ju uroj gjithë qytetarëve këtë konstituim të legjislaturës së shtatë, shpresojmë që dita e sotme do t’i hap rrugë krijimit të institucioneve siç është Qeveria e Republikës së Kosovës”, ka thënë Veseli.

Ndryshe, Kryetar i Kuvendit të Kosovës sot është zgjedhur Glauk Konjufca nga Vetëvendosje. Ai mori 75 vota për, 29 kundër dhe 6 abstenime./21Media