Visar Azemi: Në tri vitet e fundit çmimi i rrymës është rritur 25.8%

Anëtari i LDK-së, Visar Azemi ka thënë se në tri vitet e fundit çmimi i rrymës është rritur mesatarisht për 25.8%.

Kjo deklaratë e Azemit, pasi Lëvizja Vetëvendosje transmetoi disa të dhëna sipas të cilave “çmimi i rrymës në Kosovë është më i ulti në rajon”.

“Në tri vitet e fundit, çmimi i rrymës në Kosovë është rritur mesatarisht 25.8%. Ndërkohë partia në pushtet prezanton shifra  të pavërteta. Që nga marrja e pushtetit në mars të vitit 2021, Qeveria e Vetëvendosjes ka rritur vazhdimisht tarifat e energjisë”, ka shkruar Azemi.

Ai gjithashtu ka përmendur raportin e Zyrës së Rregullatorit të Energjisë, sipas të cilit nga viti 2020 deri më 2023 faturat e rrymës për biznese u rritën për 28.22% kurse për familjet 25.8%.