Von Cramon takon Kurtin: Plani i evropian i hap rrugën Kosovës drejt BE-së
Raportuesja për Kosovën në Parlamentin Evropian, Viola von Cramon, ka takuar kryeministrin e Kosovës, Albin Kurti, para takimit në Ohër.
Von Cramon shkroi në “Twitter” se ajo përsëriti mbështetjen e saj për planin evropian dhe inkurajoi Kurtin që të gjejë një mënyrë për të siguruar zbatimin.
Siç shton ajo, zbatimi do të kontribuojë në gjurmimin e rrugës përpara të Kosovës drejt BE-së.
“Diskutimi në kohë me kryeministrin e Kosovës, Albin Kurti, për dialogun dhe takimin e radhës në Ohër. Duke ritheksuar mbështetjen e plotë për planin e BE-së për marrëveshjen Serbi-Kosovë dhe duke u dhënë inkurajim për të gjetur një mënyrë për të siguruar zbatimin, pasi kjo do të me të vërtetë do i hapë rrugën Kosovës për në BE”, ka shkruar Von Kramon.
Timely discussion with #Kosovo PM @albinkurti on the Dialogue with 🇷🇸 and the upcoming meeting in Ohrid.
Reiterated full support for EU plan for 🇽🇰-🇷🇸 and encouraged to find a way to ensure the implementation, as it will truly pave the way forward for 🇽🇰 in the EU🇪🇺. pic.twitter.com/6sR8oFDSxQ
— Viola von Cramon 🇺🇦🇪🇺 (@ViolavonCramon) March 15, 2023
Kryeministri i vendit, Albin Kurti dhe presidenti i Serbisë Aleksandar Vuçiq më 18 mars pritet të takohen në Ohër për të diskutuar për planin e zbatimit të marrëveshjes për normalizimin e marrëdhënieve në mes të Kosovës dhe Serbisë, për të cilën dy shtetet kanë arritur pajtueshmëri më 27 shkurt në Bruksel.
Në njoftimin e zyrës së Bashkimit Evropian bëhet e ditur se takimet e ndara do të zhvillohen duke filluar në ora 10:00.
