Gjatë ditës Hahn do të qëndrojë në Kosovë
Presidenti serb, Aleksandar Vuçiq u takua sot me komisionarin evropian, Johannes Hahn. Takimi i Hahn me presidentin Vuçiq nuk u bë i ditur zyrtarisht.
Komisionari Evropian për Zgjerim do të vizitojë sot Prishtinën, e cila refuzon të pranojë ftesën nga Brukseli për të shfuqizuar taksat mbi mallrat nga Serbia. Ndërkohë, Hahn vendosi të vinte në Beograd së pari.
Fokusi kryesor i vizitës së Komisionerit, Johannes Hahn do të jetë në vendimin e Qeverisë së Kosovës për vendosjen e taksës 100 përqind për mallrat nga Serbia dhe Bosnja e Hercegovina. Ai gjatë vizitës pritet ta përsërisë thirrjen për revokimin e taksës dhe të nënvizojë nevojën për fokusim në përmirësimin e marrëdhënieve fqinjësore dhe bashkëpunimin rajonal.
