Kreu i Kuvendit të Maqedonisë së Veriut, Talat Xhaferi u shpreh se ndihet i nderuar pasi presidenti i Ukrainës, Volodymyr Zelensky e dekoroi me Dekoratën “Jarosllavi i Urtë”, përcjell TV21.
Xhaferi potencoi se ishte nga zyrtarët e parë që vizitoi Kievin, pasi vlerësoi se gjendja atje dëshmohet vetëm me prezencë personale.
“Jam veçanërisht i nderuar nga lajmi se Presidenti Zelenski me Dekretin numër 734/2022 më ndan Dekoratën Jarosllav i Urti për merita personale të rëndësishme në përforcimin e bashkëpunimit ndërshtetëror, mbështetjes së sovranitetit dhe integritetit territorial të Ukrainës, për kontributin e konsiderueshëm në popullarizimin e shtetit të Ukrainës në botë. Isha burrështetasi i parë nga rajoni i cili e vizitoi Kievin sepse isha dhe jam i bindur se tmerri dhe pasojat e agresionit, por në të njëjtën kohë, guximi dhe optimizmi i ukrainasve dëshmohet personalisht”, shkroi Xhaferi./21Media
