Zëdhënësi i Putinit nuk përjashton mundësinë e përdorimit të armëve bërthamore nga Rusia

Zëdhënësi i presidentit rus Vladimir Putin, Dmitry Peskov ka pranar se Rusia nuk ka arritur ende asnjë nga qëllimet e saj ushtarake në Ukrainë dhe nuk e ka mohuar se Moska mund të përdorë armët bërthamore.
Peskov në mënyrë të përsëritur refuzoi të përjashtojë që Rusia do të konsideronte përdorimin e armëve bërthamore kundër asaj që Moska shihte si një “kërcënim ekzistencial”.
U pyet se në çfarë kushtesh Putini do të përdorte aftësinë bërthamore të Rusisë.
“Nëse është një kërcënim ekzistencial për vendin tonë, atëherë mund të jetë”, tha Peskov.
Peskov tutje tha se ‘operacioni special ushtarak’ po vazhdon në mënyrë rigoroze në përputhje me planet dhe qëllimet që ishin vendosur më parë./21Media