Presidenti i Ukrainës, Volodymyr Zelensky, ka përsëritur thirrjen për një zonë të ndaluar fluturimi mbi vendin e tij në një adresë me video-lidhje drejtuar afro 300 ligjvënësve amerikanë.
Ai bëri thirrje gjithashtu për ndalimin e importeve të naftës ruse dhe kërkoi avionë luftarakë të prodhuar nga Rusia, të cilët pilotët e vendit të tij dinë t’i fluturojnë, për të ndihmuar në luftimin e avancimit të armikut në vendin e tij.
Në përgjigje, udhëheqësi i shumicës në Senat, Chuck Schumer tha se do të ndihmonte administratën e Bidenit për të lehtësuar transferimin e tyre nga Evropa Lindore.
Zelensky gjithashtu theksoi nevojën për mbështetje shtesë ushtarake dhe ndihmë humanitare, por dy nga kërkesat e tij të tjera tashmë janë refuzuar nga SHBA, shkruan BBC.
Së pari, zona e ndalim-fluturimit, e cila ndërkohë që ndërpret mbështetjen ajrore ruse, do të rrezikonte gjithashtu të tërheqë aleatët e NATO-s në konflikt.
Dhe së dyti, ndalimi i importit të naftës ruse, për të cilin administrata Biden ka frikë se mund të rrisë më tej çmimin e naftës./21Media
