Volodymyr Zelensky ka vënë në pikëpyetje se pse disa vende zyrtarisht duken se janë indiferente ndaj pushtimit rus të vendit të tij në një fjalim drejtuar anëtarëve të parlamentit izraelit.
Izraeli i cili ka lidhje me të dy vendet ka mbajtur një pozicion disi neutral gjatë luftës.
Në turneun e tij virtual ndërkombëtar, Presidenti Zelensky është treguar i aftë në përshtatjen e mesazhit të tij për grupe të ndryshme ligjvënësish.
Duke folur në parlamentin e Izraelit në një video-konferencë, ai filloi duke i bërë jehonë fjalëve të ish-kryeministres izraelite, Golda Meir, e cila ka lindur në Kiev: “Ne synojmë të jetojmë, por fqinjët tanë duan të na shohin të vdekur”.
Zelensky – i cili është hebre – gjithashtu krahasoi veprimet dhe fjalët e Rusisë me ato të Gjermanisë naziste në Luftën e Dytë Botërore. Dhe më pas ai pyeti pse Izraeli nuk po dërgonte municion dhe nuk kishte vendosur sanksione ndaj Moskës në përputhje me shumë vende perëndimore./21Media
