Zelensky takohet me presidentin polak gjatë kthimit nga SHBA

Presidenti ukrainas, Volodymyr Zelensky u takua me presidentin polak, Andrzej Duda teksa po kthehej në Ukrainë nga SHBA.
Zelensky postoi një foto të tij në “Telegram” duke u takuar me Dudën dhe tha “Ne përmblodhëm vitin, i cili solli sfida historike për shkak të një lufte në shkallë të gjerë”.
“Ne diskutuam gjithashtu planet strategjike për të ardhmen, marrëdhëniet dypalëshe dhe ndërveprimet në nivel ndërkombëtar në vitin 2023”, shtoi ai.
Nga videoja që shoqëron postimin, Zelensky shihet duke zbritur nga një aeroplan në aeroportin Rzeszow. /21Media