Britania sot voton
Sot në Britani do të mbahen zgjedhjet e përgjithshme përmes së cilave do të përcaktohet do t’i udhëheqë negociatat për daljen e Britanisë nga Bashkimi Evropian, e cila vitin e kaluar në një referendum ka vendosur të largohet nga blloku.
Janë regjistruar rreth 46.9 milionë votues të regjistruar, të cilët do të zgjedhin 650 deputetë.
Partia Konservatore e kryeministres, Theresa May pritet të zgjerojë shumicën në Parlamentin britanik, e cila ka thënë se i duhet të rrisë fuqinë e Partisë Konservatore, që të forcojë pozicionin e saj në negociatat për Brexit.
Ndërsa, laburistët opozitarë, të udhëhequr nga Jeremy Corbyn, kanë thënë se nuk do të tërhiqen nga procesi i Brexit-it nëse i fitojnë zgjedhjet e 8 qershorit.
Derisa, dy partitë tjera kryesore të këtyre zgjedhjeve – Partia Kombëtare Skoceze e udhëhequr nga Nicola Sturgeon dhe Partia Liberal-Demokrate e udhëheqr nga Tim Farron, i kundërshtojnë planet për dalje nga BE-ja.
Ndërkohë, zgjedhjet e parakohshme të ditës së sotme në fillim të prillit janë thirrur nga kryeministrja May– tri vjet përpara se të skadojë mandati i deputetëve.
