Numri i të vdekurve në Brazil nga shirat e dendura u rrit në 29 të enjten, me operacionet e kërkimit që vazhdojnë për 60 persona të raportuar të zhdukur.
Reshjet e shiut, të cilat prej disa ditësh kanë prekur shtetin jugor të Rio Grande do Sul, kanë rezultuar me humbje jete dhe prona.
Departamenti i mbrojtjes civile të Rio Grande do Sul raportoi se shirat e dendura shkaktuan dëme të konsiderueshme në 154 qytete, duke prekur negativisht 71 mijë e 300 njerëz.
Guvernatori i Rio Grande do Sul, Eduardo Leite, në një konferencë për shtyp theksoi se ka ende zona që nuk mund t’i arrijnë. Leite theksoi mundësinë e rritjes së numrit të viktimave dhe vuri në dukje se operacionet e kërkim-shpëtimit po kryhen nga toka, deti dhe ajri.
Ai shpalli “gjendjen e fatkeqësisë” për 180 ditë për shkak të përmasave të tragjedisë dhe tha se vazhdojnë përpjekjet për evakuimin e njerëzve nga zona e fatkeqësisë.
