Sektori i Punëve të Brendshme Shkup ka realizuar aksion anti-drogë sot në Shkup.
Me urdhër të Gjykatës Themelore Penale Shkup, është kryer bastisje në shtëpinë e T.T.(43) nga fshati Jurumleri në Shkup.
Gjatë bastisjes, siç njoftojnë nga Ministria e Punëve të Brendshme në Maqedoninë e Veriut është gjetur marihuanë, pluhur droge dhe peshore digjitale.
“T.T. ka blerë më shumë sasi të kokainës dhe marihuanës, e ka paketuar në pako më të vogla dhe e ka shitur”, qëndron mes tjerash në njoftim, transmeton TV21.
T.T. është arrestuar dhe pas dokumentimit të rastit kundër tij do të shqiptohet kallëzim përkatës në bazë të nenit 215 të Kodit Penal./21Media
