Një grua ka vdekur nën rrethana ende të pasqaruara pasi që ka rënë nga një ndërtesë në rrugën “Jakov Xoxa” në Prishtinë.
Këtë e ka konfrimuar zëdhënësja e policisë rajonale për Prishtinë Flora Ahmeti .
“Në rrugën “Jakov Xoxa” në Prishtinë, një person ka rënë nga një ndërtesë. Viktimë në këtë rast është një person (femër), vdekjen e së cilës e ka konstatuar ekipi mjekësor në vendngjarje”, ka thënë ajo.
Aktualisht hetuesit policorë në koordinim me prokurorinë përkatëse, janë duke punuar për të sqaruar të gjitha rrethanat që lidhen me rastin.
