Një grua humb jetën pasi bie nga një ndërtesë në Fushë Kosovë

Një grua ka vdekur të shtunën pasi ka rënë nga një ndërtesë në Fushë-Kosovë.

Lajmin për portalin rtv21.tv e ka konfirmuar zëdhënësja e policisë për rajonin e Prishtinës, Flora Ahmeti.

“Sot rreth orës 12:00, kemi pranuar informatën se një person ka rënë nga një ndërtesë në rrugën Abedin Sogojeva në Fushë Kosovë. Viktima (femër) nuk ka përballuar lëndimet dhe e njëjta ka vdekur. Vdekjen e viktimës e ka konstatuar ekipi mjekësor në vendngjarje”, ka thënë Ahmeti.

Ahmeti ka bërë të ditur se policia në koordinim me prokurorinë kaa nisur hetimet lidhur me këtë rast./21Media