Blinken thotë se palestinezët duhet të lejohen të kthehen në shtëpi në Gaza
Sekretari amerikan i Shtetit, Antony Blinken thotë se palestinezëve nuk duhet t’u bëhet presion që të largohen nga Gaza dhe duhet të lejohen të kthehen në shtëpitë e tyre pasi të lejojnë kushtet.
Blinken dënoi deklaratat e disa ministrave izraelitë, të cilët kërkuan zhvendosjen e palestinezëve gjetkë.
Ai po takohet me liderët rajonalë në turneun e tij të fundit në Lindjen e Mesme, duke zhvilluar sot bisedime në Emiratet e Bashkuara Arabe dhe Arabinë Saudite.
Komentet e tij pasojnë raportet se dhjetëra njerëz u vranë në një kamp refugjatësh në Gazën veriore.
Pamjet nga Jabalia tregojnë trupa të shtrirë në rrënojat e një ndërtese të shkatërruar – shumë prej tyre gra dhe fëmijë.
Ushtria izraelite thotë se po vepronte “kundër një objektivi ushtarak”.
Të paktën 1200 njerëz u vranë kur Hamasi sulmoi Izraelin më 7 tetor dhe rreth 240 të tjerë u morën peng.
Ministria e shëndetësisë e drejtuar nga Hamasi në Gaza thotë se më shumë se 22,800 njerëz janë vrarë në territor që kur Izraeli filloi fushatën e tij hakmarrëse./21Media
