Kamionë nuk kanë arritur të ngjiten në vendin e quajtur “Kulla e Krivovës”
Rruga magjistrale Prishtinë-Pejë është bllokuar pothuajse tërësisht si pasojë e kolonave të gjata, të cilat arrijnë deri në 10 kilometra.
E gjithë kolona është shkaktuar nga katër kamionë të cilët nuk kanë arritur të ngjiten në vendin e quajtur “Kulla e Krivovës”, për shkak të reshjeve të borës.
Policia ka dal në vendin e ngjarjes dhe po mundohet ta drejtojë komunikacionin.
Kjo gjendje në rrugën Prishtinë-Pejë është krijuar nga ora 16:00.
