Policia e Kosovës ka nisur hetim për vdekjen e dy personave gjatë 24 orëve të fundit. Një Istog është gjetur një burrë pa shenja jetë, e ekipi mjekësor ka konstatuar vdekjen e tij.
Sipas njoftimit policor, trupi i pajetë është dërguar në Institutin e Mjekësisë Ligjore për obduksion, e rasti është iniciuar si “hetim i vdekjes”.
Ndërsa në Gjilan është raportuar për vdekjen e një gruaje. Ajo është gjetur pa shenja jete, e ekipet relevante kanë konstatuar vdekjen e saj.
“Është raportuar se viktima femër kosovare është gjetur pa shenja jete. Në vendin e ngjarjes kanë dalë njësitë relevante policore, prokurori i shtetit dhe ekipi mjekësor i cili ka konstatuar vdekjen e viktimës. Me urdhër të prokurorit trupi i pajetë i viktimës është dërguar në IML për obduksion, rasti vazhdon të hetohet”, thuhet në njoftimin e plotë.
