Policia e Kosovës ka njoftuar se gjatë 24 orëve të fundit janë regjistruar dy vdekje të dyshimta në vendin tonë.
Në Suharekë rreth orës 12:42, një person është dërguar pa shenja jete në Emergjencë. Në vendin e ngjarjes është gjetur dhe konfiskuar një armë zjarri AK-47 dhe një gëzhojë. Me vendim të prokurorit, trupi i pa jetë i viktimës mashkull është dërguar në IML për obduksion.
Ndërsa në Prizren rreth orës 8:35 është raportuar se viktima mashkull kosovar është gjetur i shtrirë në rrugë pa shenja jete.
Njësitë policore dhe njësiti mjekësor kanë dalë në vendin e ngjarjes dhe këta të fundit kanë konstatuar që viktima ishte i vdekur. Me urdhër të prokurorit trupi i pajetë është dërguar në IML për obduksion./21Media
