Mëngjesin e së shtunës një person është gjetur i vdekur në Gjilan.
Zëdhënësi i Policisë së Kosovës për rajonin e Gjilanit, Valon Osmani për portalin rtv21.tv ka thënë se dyshohet se personi është hedhur në ujë tek penda e fshatit Livoç.
Viktima ka qenë rreth 50 vjeç.
“Sot me datën 02.12.2023 rreth orës 06:30 kemi pranuar informacion se një person dyshohet të ketë kryer vetëvrasje duke u hedhur në ujë tek penda e fshatit Livoç. Njësitet policore i janë përgjigjur menjëherë thirrjes, është njoftuar edhe emergjenca e spitalit të Gjilanit dhe njësiti i zjarrfikëseve. Nga vendi i ngjarjes raportohet se nga mjeku kujdestar është konstatuar se viktima mashkull i vitit të lindjes 1971 është pa shenja jete”, ka thënë Osmani për portalin rtv21.tv.
Njësitë policore kanë nisur hetimet për ndriçimin e rrethanave që kanë të bëjnë me rastin në koordinim me prokurorin e shtetit.
Trupi i pajetë i viktimës është dërguar në Institutin e Mjekësisë Ligjore (IML) për obduksion./21Media
