Haradinaj tha se do të angazhohen për adresimin e çështjeve që kërkojnë zgjidhje urgjente
Kandidati për kryeministër nga koalicioni PAN, Ramush Haradinaj me Ambasadorin e Mbretërisë së Bashkuar, Ruairi O’Connell sot ka diskutuar për krijimin e institucioneve të vendit.
Haradinaj është shprehur se i ka siguruar Ambasadorit angazhim maksimal për krijimin e Qeverisë së re.
”Sot pata kënaqësinë ta pres në takim Ambasadorin e Mbretërisë së Bashkuar, Ruairi O’Connell, me të cilin folëm për procesin zgjedhor dhe për krijimin e institucioneve të reja të Kosovës.
E sigurova Ambasadorin O’Connell, për angazhimin maksimal timin dhe të partnerëve, për krijimin e Qeverisë së re dhe për adresimin e çështjeve, që kërkojnë zgjidhje urgjente, që nga sundimi i ligjit, proceset integruese e deri te zhvillimi ekonomik i vendit. I përcolla mirënjohjen time për angazhimin e Mbretërisë së Bashkuar, në mbështetjen e Kosovës dhe proceseve të saj demokratike dhe njëkohësisht kërkesën për thellimin e mëtejmë të bashkëpunimit ndërmjet Kosovës dhe Mbretërisë së Bashkuar”, ka shkruar Haradinaj në facebook./21Media
