Haradinaj në 26 vjetorin e Policisë: Një nga arritjet më të mëdha të Kosovës

Në 26-vjetorin e themelimit të Policisë së Kosovës, Ramush Haradinaj ka kujtuar rolin dhe kontributinin e këtij institucioni, duke e cilësuar atë si njërën nga arritjet më të mëdha të shtetit.

“Policia e Kosovës është një nga arritjet më të mëdha të shtetit tonë, institucion ky që konsiderohet model edhe për vendet e rajonit. Në këto 25 vjet, policët tanë kanë dëshmuar përkushtim dhe uguxim në shërbim të qytetarëve dhe rendit publik. Andaj, është detyrë e shtetit që t’u krijojë kushte dinjitoze, në përputhje me misionin e rëndë e fisnik që mbajnë”, ka shkruar Haradinaj.

Ai u ka shprehur mirënjohje të gjithë pjesëtarëve të Policisë për shërbimin ndaj atdheut, duke nderuar njëkohësisht ata që kanë rënë në krye të detyrës.