Ramush Haradinaj e uroi për postin e presidentit
Ilir Meta është zgjedhur President i Shqipërisë. Grupi parlamentar i PS e ka votuar unanimisht zgjedhjen Metës në krye të shtetit shqiptar.
Për zgjedhjen e tij e uroi edhe kreu i AAK-së Ramush Haradinaj i cili i tha se do të punoni me përkushtim për zhvillimin e Shqipërisë.
“Urimet më të mira për zgjedhjen tuaj President i Republikës së Shqipërisë! Jam i bindur se Ju do të punoni me përkushtim në zhvillimin dhe avansimin e Shqipërisë si dhe në mbrojtjen e interesave shtetërore, por edhe kombëtare të shqiptarëve kudo që janë”, ka thënë Haradinaj përmes një shkrimi në “Facebook”.
Ai gjithashtu tha: Mbetem me shpresë poashtu se zgjedhja e Juaj, do të kontribuojë edhe në forcimin e marrëdhënieve ndërmjet Kosovës dhe Shqipërisë!
Haradinaj në fund shprehu mirënjohje për punën e Bujar Nishanit.
Meta ka marrë 87 vota pro dhe 2 kundër, edhe pse për zgjedhjen e tij mjaftonin 71. Ai bëhet kështu presidenti i 8 i Republikës së Shqipërisë/21Media
