Johnson: Ukraina s’duhet t’i nënshtrohet presionit për një marrëveshje të keqe paqeje

Presidenti i Ukrainës, Voloydymyr Zelensky nuk duhet të jetë nën presion nga fuqitë botërore për të pranuar një marrëveshje të keqe paqeje me presidentin rus Vladimir Putin, ka thënë kryeministri i Mbretërisë së Bashkuar, Boris Johnson.
Duke folur në një takim me ministrat e kabinetit, mëngjesin pasi i mbijetoi një votëbesimi në udhëheqjen e tij, Johnson tha se marrëveshjet e këqija të paqes nuk zgjasin, u tha gazetarëve zëdhënësi i kryeministrit.
“Ai tha se bota duhet të shmangë çdo rezultat ku agresioni i pajustifikuar i Putinit duket se ka dhënë rezultat”, tha zëdhënësi.
Sekretarja e Jashtme Liz Truss tha gjithashtu në mbledhjen e kabinetit se Londra po përgatit sanksione të mëtejshme kundër Rusisë për pushtimin e saj në Ukrainë, tha zëdhënësi.
Qeveria e Ukrainës tha më parë se nuk do të pajtohej me një marrëveshje armëpushimi me Rusinë që përfshin heqjen e territorit./21Media