KFOR-i dhe Policia e Kosovës gjejnë 10 detonatorë në Leposaviq
Policia e Kosovës ka bërë të ditur se njësitë patrulluese, në bashkëpunim me trupat e KFOR-it, kanë gjetur dhjetë detonatorë ndezës me fitila në afërsi të fshatit Gnjezhdan në Leposaviq.
Sipas raportit 24-orësh thuhet se pasi u raportua rasti, ekipi hetimor u nis drejt vendngjarjes. U kontaktua edhe prokurori i shtetit, i cili urdhëroi nisjen e procedurave formale të hetimit.
“Raportohet se njësi nga KFOR-i dhe Policia e Kosovës kanë sjellë në stacion policor dhjetë (10) detonator ndezës me fitila (kabllo) të cilët i kishin gjetur në afërsi të fshatit afër lumit. Njësia e hetimeve ka dalë në vendin e ngjarjes, po ashtu është kontaktuar prokurori i shtetit i cili udhëzon që të iniciohet rasti si me lartë. Rasti është nën hetime nga njësitet kompetente”, thuhet në raport.
