Kryetari i PDK-së, Memli Krasniqi sot është takuar me ish-kryeministrin britanik, Tony Blair. Në takim ishin edhe kryetari i LDK-së, Lumir Abdixhiku dhe kryetari i AAK-së, Ramush Haradinaj.
Ndër tjera, Krasniqi tha se Blair kishte rol historik për Kosovën.
“Takimet me ish-kryeministrin e Mbretërisë së Bashkuar, Tony Blair, janë gjithmonë të veçanta dhe emocionuese. Roli i tij historik për vendin tonë dhe përkushtimi i palëkundur për të mbrojtur lirinë dhe drejtësinë ka qenë një frymëzim për të gjithë ne, tash e një çerek shekulli. Biseda jonë e sotme nënvizoi edhe një herë rëndësinë e bashkëpunimit të mirë ndërkombëtar, krijimit të partneriteteve dhe kultivimit të raporteve të besueshme – në funksion të sigurimit të paqes, stabilitetit dhe integrimit euro-atlantik të vendit tonë”, ka shkruar ai.
Krasniqi tha se Blairit ia ka shprehur “mirënjohjen e përjetshme të popullit tonë për mbështetjen e tij të vazhdueshme për Kosovën, posaçërisht atëherë kur kishim më së shumti nevojë”.
“Kosova nuk do të harrojë asnjëherë liderishipin tuaj, zotëri Kryeministër!”, shkroi Krasniqi.
