Blin Kuka, nipi i Driton Kukës – trajnerit të ekipit kosovar të xhudos, do të luftojë për medaljen e bronztë në Festivalin Olimpik Veror për të rinj Maribor 2023.
Në kuadër të kategorisë deri në 90 kilogramë, Kuka do të luftojë për të bronztën kundër xhudistit spanjoll, Perez Ramirez.
Xhudisti ynë është afër të shkruaj historinë për xhudon e Kosovës dhe të fitojë medaljen e parë për ekipin tonë në EYOF Maribor 2023.
Deri te gara për të bronztën, Kuka raundin e parë e kaloi pa luftë, kurse në të dytin u ndal nga Aslan Kotsoev, humbje kjo e cila ia mundësoi repesazhin.
Më pas, Kuka shënoi dy fitore radhazi, ndaj letonezit Nikita Afanasjevs dhe portugezit Danilo Storozhuk, që të dyja me Ippon.
