Kurti ngushëllon popullin britanik për viktimat e sulmit të mbrëmshëm
Kandidati i Lëvizjes Vetëvendosje për kryeministër të Kosovës, Albin Kurti, ka ngushëlluar familjarët e viktimave të sulmit tragjik në Manchester
Kurti ka ngushëlluar gjithashtu popullin dhe insitucionet e Britanisë së Madhe, si dhe ambasadorin britanik në Kosovë Ruairi O’Connell
“Sot bota u zgjua me lajmin tragjik të sulmit në Manchester. Ngushëllimi e solidarizimi ynë shkon i gjithi për familjarët e viktimave. Urojmë shërimin e shpejtë të të lënduarve, dhe shpresojmë që të ndalen ngjarjet e tilla. Popullit dhe institucioneve të Mbretërisë së Bashkuar, si dhe ambasadorit O’Connell, iu ofrojmë mbështetjen tonë të plotë, si vend e popull mik e aleat i rëndësishëm i Kosovës e i shqiptarëve”, ka thënë Kurti përmes një shkrimi në “Facebook”.
Sulmi vetëvrasës ka ndodhur mbrëmë në Manchester Arene” ku la të vdekur 22 persona si dhe 59 të tjerë të plagosur./21Media
