Lajçak për takimin me Bislimin e Petkoviqin: Fatkeqësisht spatëm progres për zbatimin e marrëveshjes
I dërguari i Bashkimit Evropian për dialogun Kosovë-Serbi, Miroslav Lajçak, ka folur për takimin me kryenegociatorët, Besnik Bislimi si përfaqësues i Kosovës dhe Petar Petkoviq si përfaqësues i Serbisë.
Në një postim në Facebook, Lajçak ka thënë se kanë rënë dakord për hapat e ardhshëm konkretë, poqë nuk ka pasur përparim për zbatimin e marrëveshjes në mes Kosovës dhe Serbisë.
“Sapo fillova vizitën time në Londër pas një jave të ngarkuar, e cila filloi në Bruksel dhe përfundoi në Madrid. Në Bruksel, prita Kryenegociatorët e Kosovës dhe Serbisë për të ndjekur takimin e nivelit të lartë nga java e kaluar. Pas më shumë se shtatë orësh diskutime intensive, ramë dakord për hapat e ardhshëm konkretë mbi disa çështje praktike. Fatkeqësisht, nuk arritëm të bëjmë përparim në pamjen e madhe – zbatimin e Marrëveshjes për Rrugën drejt Normalizimit”, ka shkruar tutje Lajçak.
