Lëvizje të konvojeve ushtarake drejt Gjakovës, FSK paralajmëron ushtrim disa ditor

Forca e Sigurisë së Kosovës ka njoftuar për një ushtrim fushor të emëruar “Ujku i Pamposhtur 01” që do të realizohet në rajonin e Gjakovës.

Ushtrimi do të nisë më 31 maj dhe do të zgjasë deri më 5 qeshor, ndërsa FSK kërkoi mirëkuptimin e qytetarëve.

“Gjatë kësaj periudhe do ketë lëvizje të konvojeve nga vendbazimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës. E gjithë kjo lëvizje do bëhet me qëllim të realizimit të ushtrimit, andaj kërkojmë mirëkuptim nga qytetarët”, tha FSK.