PZAP ka konfirmuar për RTV21 se ka pranuar ankesë nga LDK ndaj LVV-së lidhur me pjesëmarrjen e fëmijëve në një tubim zgjedhor.
PZAP tha se secili rast do të shqyrtohet dhe vendoset veç e veç, bazuar në faktet, provat dhe legjislacionin zgjedhor në fuqi.
“Paneli Zgjedhor për Ankesa dhe Parashtresa (PZAP) aktualisht ka pranuar një ankesë nga subjekti politik Lidhja Demokratike e Kosovës (LDK), ndaj subjektit politik LVV, me natyre të shkeljes, si pjesëmarrjen e fëmijëve gjatë një tubimi zgjedhor. Sa i përket pyetjes suaj nëse legjislacioni në fuqi parasheh shkelje apo masa ndëshkuese për situata të tilla, kjo çështje është e rregulluar me Rregulloren Zgjedhore Nr. 07/2024 për Fushatën Zgjedhore, Monitorimin e Fushatës Zgjedhore dhe Deklarimin Financiar, konkretisht me Nenin 5, paragrafët 3 dhe 4. Në rastet e tilla, PZAP do të veprojë dhe do të vendosë për secilin rast veç e veç, bazuar në faktet dhe provat e paraqitura, si dhe në dispozitat e legjislacionit zgjedhor në fuqi.”, thuhet në përgjigjen e PZAP./RTV21/21Media
