Të hënën është nënshkruar memorandumi i bashkëpunimit mes Ministrisë së Kulturës, Rinisë dhe Sportit si dhe Federatës së Hendbollit të Kosovës.
Memorandumi është nënshkruar nga zëvendësministrja e MKRS-së, Daulina Osmani dhe presidenti i Federatës së Hendbollit të Kosovës, Edin Kolgeci.
Memorandumi nënshkruhet në bazë të kategorizimit që e bën MKRS-ja, e ku FHK-ja qëndron fuqishëm në kategorinë A. Përmes memorandumit përcaktohet shuma e përkrahjes së MKRS-së për FHK-në.
Memorandumi është nënshkruar pasi federata jonë i përmbushi të gjitha obligimet që dalin nga Ligji i ri për Sport. Federata jonë ishte prej të parave që firmosi memorandumin me MKRS-në.
Zëvendësministrja Osmani ka njoftuar se sivjet është paraparë që të gjitha federatat të dedikojnë 30 për qind të shumës së përgjithshme për aktivitete sportive për vajza e gra, me qëllim të zhvillimit dhe fuqizimit të mëtejmë të sportit femëror në vendin tonë.
