Një person ka rënë nga një lartësi derisa ishte duke punuar në lagjen “Mati” në Prishtinë.
39-vjeçari i lënduar është dërguar për trajtim mjekësor në QKUK.
“Sot rreth orës 11:00, kemi pranuar informatën se në lagjen Mati në Prishtinë, një person derisa ishte duke punuar, ka rënë nga një lartësi dhe ka pësuar lëndime trupore. Personi i lënduar, L.Rr. mashkull, 39 vjeç, është dërguar për trajtim mjekësor në QKUK”, ka njoftuar Policia e Kosovës.
Lidhur me këtë rast me rekomandim të prokurorit të shtetit është intervistuar një person i dyshuar si dhe është iniciuar rasti “Punime të kundërligjshme”.
Rasti po hetohet nga hetuesit e stacionit policor Jugu, në Prishtinë, në koordinim me prokurorinë dhe Inspektoriatin e Punës./21Media
