Në aeroportin e Shkupit tashmë kanë arritur trupat e 45 viktimave të aksidentit që ndodhi në autostradën e Strumës në Bullgari.
Në ceremoninë e pritjes mori pjesë edhe presidentja e Kosovës, Vjosa Osmani, e cila ka bërë edhe homazhe tek trupat e pajetë.
Pranë trupave të pajetë u vendosen kurora lulesh me mbishkrim “I përjetshëm kujtimi për ju”.
Nderime pranë trupave të viktimave bëri edhe presidenti i Maqedonisë së Veriut, Stevo Pendarovski, kryetari i Kuvendit, Talat Xhaferi, kryeministri Zoran Zaev.
Lule në nderim të viktimave vendosi edhe kreu i BDI-së, Ali Ahmeti.
Kujtojmë që më 23 nëntor në autostradën e Strumës u aksidentua autobusi i “Besa Trans” me 52 pasagjerë, ku prej tyre 45 persona humbën jetë dhe 7 të tjerë u lënduan.
