Presidentja e Kosovës, Vjosa Osmani gjatë qëndrimit në SHBA po zhvillon takime të ndryshme me personalitet të njohura.
Osmani në një postim në Twitter ka njoftuar se sot është takuar me udhëheqësin e shumicës në Senat Sen Schumer.
“Diskutuan nevojën e thellimit të mëtejshëm të bashkëpunimit në dritën e kohës sfiduese me të cilën po përballet kontinenti evropian. Është jetike që demokracitë të bashkohen për të qëndruar të bashkuar kundër autokracive”, ka shkruar Osmani në Twitter.
Osmani sot gjatë ditës është takuar edhe me kryetaren e Dhomës së Përfaqësuesve të Shteteve të Bashkuara të Amerikës, Nancy Pelosi./21Media
